Engtin nge Inverter Leh Battery Kan Mamawh Tawk Kan Hriat Ang!

Home UPS / Inverter hi in tinin kan mamawh a ni ta ber a. Eng ang Inverter nge, eng ang Battery nge kan mamawh tawk tih hriat hmasak hi thil tul tak a ni.

   JOIN US ON TELEGRAM

1. Electrical Appliances kan neihin Power eng zat nge a mamawh?:

A hmasa berah chuan, kan inah eng equipment (electrical appliances) nge kan neih a, engzat power nge kan mamawh tih hriat a ngai a.

Power kan hmanna tur, electrical appliances leh power an mamawh dan hetiang hi ni ta sela:-

3 Fans x 70 watts =210 watts

3 Tube lights x 60 watts =180 watts

1 CFL x 25 watts = 25 watts

1 Television x 120 watts = 120 watts

Total : 535 watts

Tichuan, Power kan mamawh tur chu 535 watts tihna a ni.

2. Inverter VA Rating kan mamawh min chawm zo tur chu!:

Inverter (khawl) in Current leh Voltage, electrical appliances-a a pek chhuah theih zat tur (Inverter VA rating) hriat kan mamawh bawk a. VA chu Volt Ampere tihna a ni.

Inverter chu tha taka hna thawk tur (operates with 100% efficiency) a ngaih a nih chuan, Inverter in power a pek chhuah leh electrical appliances in power an mamawh chu a in ang dawn tihna a ni. Chumi awmzia chu, Inverter 535VA kan mamawh tihna a ni.

Nimahsela, a taka han hman chuan inverter khawl chu engmah loss nei lovin a awm thei lo va. 100% efficient a ni thei lo a ni. A tlangpuiin inverter ho efficiency chu 60% to 80% a ni a. Chu chu Inverter Power Factor an ti bawk a. Inverter nawlpui Power factor chu 0.6 leh 0.8 inkarah an awm a, 0.7 anga chhut a ni. 

Heti hian Inverter Power Rating chu chhut tur a ni. Electrical appliances ten power an hman ral tur belhkhawm (in watt) / Inverter Power Factor.

Tichuan, Inverter chak zawng kan mamawh zat (Inverter Average

Power (VA)) chu 535/0.7 = 765VA a ni.

Inverter siamtu company te hian kan mamawh ang zat 765VA chiah power pe chhuak thei an siam kher lo va. Market-a kan mamawh hnaih ber (a tam lam) Inverter kan hmuh theih chu 800VA a ni a. Chuvangin, kan mamawh aia tam hret power pe chhuak thei inverter 800VA lei chu kan duhthlan tur a ni ang.

3. Battery eng ang nge kan mamawh?

Current a awm loh a Inverter in a daih rei leh rei loh chu kan battery hman a zir a ni ber a. Inverter battery in darkar engzat nge a daih ang? tih hi zawhna a ni. He mi hi Battery Capacity tih a ni a, chu chu darkar a daih rei zawng sawina a ni a, Ah (Ampere Hours) tiin an sawi thin.

Bazar a Inverter Battery kan hmuh tlangpui hi 100Ah,150Ah, 180Ah an ni a. 

Engtianga rei back up thei tur nge battery kan duh/ kan mamawh tih kan chhut dawn chuan, a let zawngin hetiang hian chhut tur a ni.

Battery capacity = Power kan mamawh zat (in watts) x Inverter Battery in darkar daih tura kan duh zat ( in hrs) / Battery Volt zat (in volts)

Note: Inverter in battery a hman tur hi 12 volt ah ngai ila, 535watt hmang chunga darkar 3 daih turin duh bawk ila.

= (535 x 3) / 12 = 133Ah, say 130Ah.

Tichuan, fan pathum, tube light pathum, CFL pakhat leh TV pakhat, a vaia darkar thum (3 hours) daih tur chuan Inverter 800VA leh Battery 12 volts 130Ah kan mamawh tihna a ni.

Darkar 4 chhit daih tur chuan, Inverter 800VA, 12 volt battery 178.33Ah or 180Ah a ngai tihna a ni.

Note: Inverter 1100VA, Battery 180Ah chuan a chunga electrical appliances kan sawi aia tam zawk darkar 4 a chawm zo tihna a ni a. Inverter VA Rating sang chuan electrical appliances a chawm tam thei a. A chawm theih darkar rei zawng chu battery Ah ah a innghat a ni.